الكبسة عارفينها ومتعودين عليها انها بتكون كبسة باللحمة أو بالفراخ ومعاها
أرز لكن الجديد واللي ممكن يكون مختلف وغريب هي كبسة بالمكرونة وده اللي جهزته لكم food today، طريقة جديدة وسهلة
من الشيف “شربيني” استبدل فيها الأرز بالمكرونة، خلونا نعرف ايه وصفتها.
قدم الشيف “شربيني” في برنامجه الشيف على قناة سي بي سي سفرة
طريقة عمل كبسة لحمة بالمكرونة.

المكونات:

– ريش ضاني.
– مكرونة مقصوصة.
– توابل كبسة.
– بصل.
– ثوم.
– مرقة.
– طماطم.
– صلصة طماطم.
– ورق لورا.
– قرنفل.
– حبهان.
– قرفة.
– زبدة.
– ليمون أسود جاف.
– فلفل أخضر حار.
– ملح وفلفل.
– للتزيين: فلفل حار.

طريقة عمل كبسة لحمة بالمكرونة:

– في طاسة على النار بها زيت ضعي القليل من الملح ثم ضعي اللحمة، وعندما
تأخذ لون اقلبيها على الوجه الآخر وضعي معها الزعتر.
– ثم ضعي البصل والكرفس والثوم واتركيهم قليلاً ثم أخرجي اللحمة في طبق أو
إناء.
– في نفس الطاسة ضعي زبدة والفلفل الحار وباقي المكونات والقرنفل والحبهان
وورق اللورا والمرقة والليمون الأسود والكمون والتوابل والكركم وقرفة وضعي باقي
الزبدة وقلبيهم معاً.
– ثم ضعي اللحمة مرة أخرى وعصير الطماطم وصلصة الطماطم وقلبي المكونات معاً
قليلاً، ثم ضعي الماء الساخن وغطيها حتى تنضج.
– قومي بتحمير المكرونة وضعيهم في إناء (بايركس)، ثم ضعي اللحمة والخلطة
على المكرونة وضعيهم في الفرن حتى تنضج.
وبس كده.. بالهنا والشفا.