مين فينا مبيحبش البيتزا وخصوصاً الأطفال
وبنحب دايما نطلبها من بره من المطاعم، وأوقات كتير بنبقى عايزين نعملها في البيت
وعايزين نجدد منها ومن طريقة خبزها، واللي ممكن يكون جديد كمان وغريب هي بيتزا
بالفول الأخضر! ودي اللي هتكون مختلفة، لكنها ليست بالفول الأخضر فقط! وانما هي
بالخضروات أيضا ولكن الفول الأخضر أحد مكوناتها على طريقة الشيف “نرمين هنو”.

قدمت الشيف “نرمين هنو” في
برنامجها زي السكر على قناة سي بي سي سفرة طريقة عمل بيتزا الخضروات.

المكونات:

للعجينة:
– 2 كوب دقيق.
– ربع كوب زيت.
– ملعقة صغيرة سكر.
– ملعقة صغيرة ملح.
– 2 ملعقة صغيرة خميرة فورية.
– نصف كوب لبن دافئ.

فيلينج الخضروات:
– 500 جرام طماطم مكعبات.
– بصلة مفرومة ناعم.
– فلفل أصفر.
– فلفل أسود.
– 400 جرام فول مقشر.
– نصف ملعقة صغيرة كمون.
– ملعقة صغيرة ملح.
– ملعقة كبيرة زيت.
– 200 جرام جبنة موزاريلا مبشورة.

طريقة عمل بيتزا الخضروات:

– في العجانة ضعي الدقيق وملح وزيت ثم ضعي الخميرة
والسكر على اللبن الدافئ وقلبيهم معاً ثم ضيفيهم على الدقيق واعجني جميع المكونات
معاً.
– ثم ضيفي القليل من الماء وأكملي (عجن) حتى
تتكون لديكي عجينة مناسبة وجاهزة واتركيها حتى تختمر وتكون جاهزة للفرد.
– أحضري صينية وضعي فيها زيت ثم ضعي العجينة
وافرديها بداخلها.
– في بولة أو إناء ضعي البصل مع الطماطم
واخلطيهم معاً ثم ضعيهم على العجينة، وضيفي الفلفل الأصفر والفول الأخضر.
– ضعي الملح والفلفل الأسود والقليل من
الكمون، ثم أضيفي الجبنة الموتزاريلا وعليها ملعقة كبيرة من الزيت وأدخليها الفرن
على درجة حرارة 200 لمدة 15-20 دقيقة.
وبس كده.. بالهنا والشفا.